ਜ਼ਿਲ੍ਹੇ ਦੇ ਸੰਜੇਲੀ ਤਾਲੁਕਾ ਦੇ ਢਲਸੀਮਲ ਪਿੰਡ ਵਿੱਚ ਇੱਕ ਵਿਆਹੁਤਾ ਔਰਤ ਦਾ ਅੱਧ-ਨਗਨ ਜਲੂਸ ਕੱਢਿਆ ਗਿਆ। ਇਸ ਤਾਲਿਬਾਨ ਸਜ਼ਾ ਦਾ ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਹੰਗਾਮਾ ਹੋ ਗਿਆ ਹੈ। ਇਹ ਔਰਤ ਆਪਣੇ ਪ੍ਰੇਮੀ ਨੂੰ ਮਿਲਣ ਉਸਦੇ ਘਰ ਗਈ ਹੋਈ ਸੀ। ਇਸ ਦੌਰਾਨ ਪਿੰਡ ਵਾਸੀਆਂ ਨੇ ਉਸਨੂੰ ਦੇਖ ਲਿਆ ਅਤੇ ਘਰੋਂ ਬਾਹਰ ਕੱਢ ਲਿਆਏ। ਔਰਤ ਦੀ ਸ਼ਿਕਾਇਤ ‘ਤੇ ਪੁਲਿਸ ਨੇ 15 ਲੋਕਾਂ ਖਿਲਾਫ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
ਪ੍ਰਾਪਤ ਜਾਣਕਾਰੀ ਅਨੁਸਾਰ, ਦਾਹੋਦ ਦੇ ਸੰਜੇਲੀ ਤਾਲੁਕਾ ਵਿੱਚ ਰਹਿਣ ਵਾਲੀ ਇੱਕ 35 ਸਾਲਾ ਵਿਆਹੁਤਾ ਔਰਤ ਦਾ ਪਿੰਡ ਦੇ ਗੋਵਿੰਦ ਲਾਲਸਿੰਘਭਾਈ ਰਾਠੌੜ ਨਾਲ ਪ੍ਰੇਮ ਸਬੰਧ ਸੀ। ਉਹ 28 ਜਨਵਰੀ ਨੂੰ ਆਪਣੇ ਪ੍ਰੇਮੀ ਗੋਵਿੰਦਭਾਈ ਨੂੰ ਮਿਲਣ ਉਸਦੇ ਘਰ ਗਈ ਸੀ। ਫਿਰ ਢਾਲਸੀਮਲ, ਸੰਤਰਾਮਪੁਰ, ਗਲਾਲਪੁਰਾ ਅਤੇ ਰੂਪਾਖੇੜਾ ਪਿੰਡ ਦੇ ਲੋਕ ਇਕੱਠੇ ਪ੍ਰੇਮੀ ਦੇ ਘਰ ਦਾਖਲ ਹੋਏ।
ਲੋਕਾਂ ਨੇ ਸਾਰੀਆਂ ਹੱਦਾਂ ਪਾਰ ਕੀਤੀਆਂ
ਉਹਨਾਂ ਲੋਕਾਂ ਨੇ ਵਿਆਹੁਤਾ ਔਰਤ ਬੁਰੀ ਤਰ੍ਹਾਂ ਕੁੱਟਿਆ। ਇਸ ਤੋਂ ਬਾਅਦ, ਔਰਤ ਨੂੰ ਅੱਧ ਨੰਗਾ ਕਰਕੇ ਬਾਈਕ ਦੇ ਪਿੱਛੇ ਚੇਨ ਨਾਲ ਬੰਨ੍ਹ ਦਿੱਤਾ ਗਿਆ ਅਤੇ ਢਾਲਸੀਮਲ ਪਿੰਡ ਦੀਆਂ ਸੜਕਾਂ ‘ਤੇ ਘਸੀਟਿਆ ਗਿਆ। ਇਹ ਲੋਕ ਔਰਤ ਨੂੰ ਇਸ ਅਰਧ-ਨਗਨ ਹਾਲਤ ਵਿੱਚ ਉਸਦੇ ਸਹੁਰੇ ਘਰ ਲੈ ਗਏ ।
ਇਸ ਦੌਰਾਨ ਭੀੜ ਵਿੱਚੋਂ ਕੁਝ ਲੋਕਾਂ ਨੇ ਪੂਰੀ ਘਟਨਾ ਦਾ ਵੀਡੀਓ ਆਪਣੇ ਮੋਬਾਈਲ ‘ਚ ਕੈਦ ਕਰ ਲਿਆ। ਬਾਅਦ ਵਿੱਚ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਗਿਆ। ਵੀਡੀਓ ਵਾਇਰਲ ਹੁੰਦੇ ਹੀ ਦਾਹੋਦ ਪੁਲਿਸ ਮੌਕੇ ‘ਤੇ ਪਹੁੰਚ ਗਈ ਅਤੇ ਜਾਂਚ ਸ਼ੁਰੂ ਕਰ ਦਿੱਤੀ। ਪੁਲਿਸ ਨੇ ਪੀੜਤਾ ਦੇ ਬਿਆਨ ਵੀ ਲਏ ਅਤੇ 15 ਲੋਕਾਂ ਖਿਲਾਫ ਮਾਮਲਾ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ।
