ਪੰਜਾਬ ਦੇ ਦੀਨਾਨਗਰ ਵਿੱਚ ਇੱਕ ਅਨੋਖੀ ਘਟਨਾ ਸਾਹਮਣੇ ਆਈ ਹੈ, ਜਿੱਥੇ 95 ਸਾਲਾ ਕਿਸਾਨ ਦਲਬੀਰ ਸਿੰਘ ਦੇ ਅੰਤਿਮ ਸੰਸਕਾਰ ਦੌਰਾਨ ਉਸਦੇ ਬਿਸਤਰੇ ਵਿੱਚ ਲੁਕਾਏ ਗਏ 3 ਲੱਖ ਰੁਪਏ ਸੜ ਕੇ ਸੁਆਹ ਹੋ ਗਏ। ਇਹ ਹੈਰਾਨ ਕਰਨ ਵਾਲਾ ਖੁਲਾਸਾ ਉਦੋਂ ਹੋਇਆ ਜਦੋਂ 50,000 ਰੁਪਏ ਦੀ ਅੱਧ ਸੜੀ ਗਥੀ ਬਿਸਤਰੇ ਤੋਂ ਡਿੱਗ ਗਈ।
ਤੁਹਾਨੂੰ ਦੱਸ ਦੇਈਏ ਕਿ ਕਿਸਾਨ ਦਲਬੀਰ ਸਿੰਘ ਦੀ ਸੋਮਵਾਰ ਨੂੰ ਮੌਤ ਹੋ ਗਈ ਸੀ ਅਤੇ ਉਸਦੇ ਪਰਿਵਾਰ ਨੂੰ ਇਸ ਗੱਲ ਦਾ ਪਤਾ ਨਹੀਂ ਸੀ ਕਿ ਉਸਨੇ ਆਪਣੇ ਬੈਂਕ ਖਾਤੇ ਵਿੱਚੋਂ 3 ਲੱਖ ਰੁਪਏ ਕਢਵਾ ਕੇ ਬਿਸਤਰੇ ਵਿੱਚ ਲੁਕਾ ਦਿੱਤੇ ਸਨ।
ਉਸਦੇ ਪੁੱਤਰ ਕੋਲ ਸਰਕਾਰੀ ਨੌਕਰੀ ਸੀ ਅਤੇ ਪਰਿਵਾਰ ਦੀ ਵਿੱਤੀ ਹਾਲਤ ਚੰਗੀ ਸੀ, ਪਰ ਇਹ ਭੇਤ ਉਦੋਂ ਖੁੱਲ੍ਹਿਆ ਜਦੋਂ ਅੰਤਿਮ ਸੰਸਕਾਰ ਦੌਰਾਨ 500 ਰੁਪਏ ਦੇ ਨੋਟਾਂ ਦਾ ਇੱਕ ਬੰਡਲ ਬਿਸਤਰੇ ਦੇ ਸਿਰਹਾਣੇ ਤੋਂ ਡਿੱਗ ਪਿਆ।
ਹਾਲਾਂਕਿ, ਜ਼ਿਆਦਾਤਰ ਨੋਟ ਸੜ ਚੁੱਕੇ ਸਨ, ਪਰ ਫਿਰ ਵੀ ਪਰਿਵਾਰ ਨੇ ਅੱਧ ਸੜਿਆ ਹੋਇਆ ਬੰਡਲ ਲੱਭਣ ਤੋਂ ਬਾਅਦ ਜਾਂਚ ਕੀਤੀ। ਬਾਅਦ ਵਿੱਚ, ਬੈਂਕ ਪਾਸਬੁੱਕ ਦੀ ਜਾਂਚ ਕਰਨ ‘ਤੇ ਪਤਾ ਲੱਗਾ ਕਿ ਦਲਬੀਰ ਸਿੰਘ ਨੇ ਆਪਣੇ ਕੋਲ 3 ਲੱਖ ਰੁਪਏ ਰੱਖੇ ਸਨ, ਜੋ ਹੁਣ ਉਸਦੇ ਨਾਲ ਹੀ ਚਿਖਾ ਵਿੱਚ ਸੜ ਗਏ। ਇਸ ਘਟਨਾ ਤੋਂ ਬਾਅਦ ਪਰਿਵਾਰ ਨੇ ਇਸ ਵਿਸ਼ੇ ‘ਤੇ ਹੋਰ ਗੱਲ ਕਰਨ ਤੋਂ ਪਰਹੇਜ਼ ਕੀਤਾ।
