ਰਾਮਚਰਿਤ ਮਾਨਸ ਵਿੱਚ ਇੱਕ ਚੋਪਾਈ ਹੈ, ‘ਕਿ ਜਾਕੋ ਰਾਖੇ ਸਾਈਆਂ, ਮਾਰ ਸਕੇ ਨਾ ਕੋਏ’ ,, ਇਸ ਇਸਦਾ ਮਤਲਬ ਹੈ ਕਿ ਜਿਸ ਵਿਅਕਤੀ ਤੇ ਰੱਬ ਦਾ ਹੱਥ ਹੋਵੇ, ਉਸਦਾ ਕੋਈ ਵਾਲ ਵੀ ਵਿੰਗਾ ਨਹੀਂ ਕਰ ਸਕਦਾ। ਕੁਝ ਅਜਿਹਾ ਹੀ ਨਜ਼ਾਰਾ ਮੁੰਬਈ ਦੇ ਨਾਲ ਲੱਗਦੇ ਠਾਣੇ ਦੇ ਡੋਂਬੀਵਲੀ ਇਲਾਕੇ ਵਿੱਚ ਦੇਖਣ ਨੂੰ ਮਿਲਿਆ। ਇਸ ਤੋਂ ਪਹਿਲਾਂ ਕਿ ਇੱਕ ਮਾਸੂਮ 2 ਸਾਲ ਦਾ ਬੱਚਾ ਮੌਤ ਦਾ ਸ਼ਿਕਾਰ ਹੁੰਦਾ, ਇੱਕ ਆਦਮੀ ਦੇਵਦੂਤ ਬਣ ਕੇ ਉਸਨੂੰ ਫੜ੍ਹ ਲਿਆ। ਜਿਸਨੇ ਵੀ ਇਹ ਦ੍ਰਿਸ਼ ਦੇਖਿਆ ਉਹ,ਦੰਦਾਂ ਥੱਲੇ ਉਂਗਲਾਂ ਦਬਾਉਂਦਾ ਰਹਿ ਗਿਆ। ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਵਾਇਰਲ ਹੋ ਰਹੀ ਹੈ। ਇਹ ਦੇਖ ਕੇ, ਹਰ ਕੋਈ ਉਸ ਵਿਅਕਤੀ ਦੀ ਪ੍ਰਸ਼ੰਸਾ ਕਰ ਰਿਹਾ ਹੈ।
ਦਰਅਸਲ, ਡੋਂਬੀਵਾਲੀ ਵਿੱਚ ਇੱਕ 2 ਸਾਲ ਦਾ ਮਾਸੂਮ ਬੱਚਾ ਖੇਡਦੇ ਹੋਏ ਇੱਕ ਇਮਾਰਤ ਤੋਂ ਡਿੱਗ ਪਿਆ। ਫਿਰ ਅਚਾਨਕ ਇੱਕ ਆਦਮੀ ਨੇ ਇਸਨੂੰ ਦੇਖਿਆ। ਇਸ ਤੋਂ ਬਾਅਦ, ਉਹ ਆਦਮੀ ਬਿਜਲੀ ਦੀ ਰਫ਼ਤਾਰ ਨਾਲ ਭੱਜਿਆ ਅਤੇ ਮਾਸੂਮ ਬੱਚੇ ਨੂੰ ਫੜ੍ਹ ਲਿਆ। ਅਧਿਕਾਰੀਆਂ ਨੇ ਦੱਸਿਆ ਕਿ ਇਹ ਘਟਨਾ ਦੇਵੀਚਪਾੜਾ ਇਲਾਕੇ ਵਿੱਚ ਵਾਪਰੀ। ਬੱਚੇ ਨੂੰ ਸਿਰਫ਼ ਮਾਮੂਲੀ ਸੱਟਾਂ ਲੱਗੀਆਂ ਹਨ।
ਡੋਂਬੀਵਾਲੀ ਦੇ ਅਨੁਰਾਜ ਹਾਈਟਸ ਟਾਵਰ ਵਿੱਚ ਇੱਕ ਦੋ ਸਾਲ ਦਾ ਬੱਚਾ ਦੂਜੀ ਮੰਜ਼ਿਲ ਤੋਂ ਡਿੱਗ ਪਿਆ। ਉਸਨੂੰ ਡਿੱਗਦਾ ਦੇਖ ਕੇ, ਇਮਾਰਤ ਦੇ ਨਿਵਾਸੀ ਭਾਵੇਸ਼ ਏਕਨਾਥ ਮਹਾਤਰੇ ਨੇ ਆਪਣੀ ਜਾਨ ਦੀ ਪਰਵਾਹ ਕੀਤੇ ਬਿਨਾਂ, ਭੱਜ ਕੇ ਬੱਚੇ ਨੂੰ ਫੜ੍ਹਨ ਦੀ ਕੋਸ਼ਿਸ਼ ਕੀਤੀ। ਭਾਵੇਂ ਬੱਚਾ ਉਸਦੇ ਹੱਥਾਂ ਵਿੱਚ ਪੂਰੀ ਤਰ੍ਹਾਂ ਨਹੀਂ ਆ ਪਾਇਆ , ਪਰ ਉਹ ਉਸਦੇ ਹੱਥਾਂ ਤੋਂ ਫਿਸਲ ਗਿਆ ਅਤੇ ਉਸਦੇ ਪੈਰਾਂ ਤੇ ਡਿੱਗ ਪਿਆ। ਜਿਸ ਕਾਰਨ ਬੱਚੇ ਦੀ ਜਾਨ ਬਚ ਗਈ। ਬੱਚੇ ਨੂੰ ਮਾਮੂਲੀ ਸੱਟਾਂ ਲੱਗੀਆਂ ਹਨ। ਭਾਵੇਸ਼ ਨੇ ਬੱਚੇ ਨੂੰ ਫੜ੍ਹ ਲਿਆ।
ਮਹਾਤਰੇ ਨੇ ਕਿਹਾ ਕਿ ਉਹ ਇਮਾਰਤ ਦੇ ਕੋਲੋਂ ਲੰਘ ਰਿਹਾ ਸੀ। ਫਿਰ ਉਸਨੇ ਇੱਕ ਬੱਚੇ ਨੂੰ ਇਮਾਰਤ ਤੋਂ ਹੇਠਾਂ ਡਿੱਗਦੇ ਦੇਖਿਆ। ਮਹਾਤਰੇ ਨੇ ਕਿਹਾ ਕਿ ਹਿੰਮਤ ਅਤੇ ਮਨੁੱਖਤਾ ਤੋਂ ਵੱਡਾ ਕੋਈ ਧਰਮ ਨਹੀਂ ਹੈ। ਹਰ ਕੋਈ ਮਹਾਤਰੇ ਦੀ ਤਾਰੀਫ਼ ਕਰ ਰਿਹਾ ਹੈ।
