Sell-Aid Desk24/7- ਖੇਡ-ਖੇਡ ਵਿਚ ਵਾਪਰੇ ਇਕ ਹਾਦਸੇ ਨੇ ਪੂਰੇ ਇਲਾਕੇ ਨੂੰ ਹਿਲਾ ਕੇ ਰੱਖ ਦਿੱਤਾ। ਵੀਰਵਾਰ ਸਵੇਰੇ 16 ਮਹੀਨੇ ਦੀ ਅਕਸ਼ਿਤਾ ਦੀ ਜਾ/’ਨ ਚਲੀ ਗਈ। ਸਕੂਲ ਦੀ ਰਸੋਈ ਵਿੱਚ ਉਬਲਦੇ ਦੁੱਧ ਦੇ ਭਾਂਡੇ ਵਿੱਚ ਡਿੱਗਣ ਨਾਲ ਉਹ ਬੁਰੀ ਤਰ੍ਹਾਂ ਝੁਲਸ ਗਈ ਸੀ। ਇਹ ਦੁਖਦਾਈ ਘਟਨਾ ਡਾ. ਬੀ.ਆਰ. ਅੰਬੇਡਕਰ ਗਰਲਜ਼ ਗੁਰੂਕੁਲਮ, ਕੋਰਰਾਪਾਡੂ ਪਿੰਡ, ਬੁੱਕਰਾਇਆਸਮੁਦਰਮ ਮੰਡਲ ਵਿੱਚ ਵਾਪਰੀ। ਪੁਲਿਸ ਦੇ ਅਨੁਸਾਰ, ਇਹ ਘਟਨਾ ਪਿਛਲੇ ਸ਼ਨੀਵਾਰ ਦੁਪਹਿਰ ਨੂੰ ਵਾਪਰੀ। ਸਕੂਲ ਵਿੱਚ ਵਿਦਿਆਰਥੀਆਂ ਲਈ ਪੌਸ਼ਟਿਕ ਖੁਰਾਕ ਦੇ ਹਿੱਸੇ ਵਜੋਂ ਦੁੱਧ ਉਬਾਲਿਆ ਜਾ ਰਿਹਾ ਸੀ।
25 ਸਾਲਾ ਕ੍ਰਿਸ਼ਨਾਵੇਣੀ ਦੀ ਧੀ ਅਕਸ਼ਿਤਾ ਖੇਡਦੇ ਸਮੇਂ ਅਚਾਨਕ ਉਬਲਦੇ ਦੁੱਧ ਦੇ ਭਾਂਡੇ ਵਿੱਚ ਡਿੱਗ ਗਈ। ਉਸ ਦੀ ਗਰਦਨ, ਛਾਤੀ, ਹੱਥ ਅਤੇ ਲੱਤਾਂ ਝੁਲਸ ਗਈਆਂ ਸਨ। ਸਕੂਲ ਸਟਾਫ ਨੇ ਤੁਰਤ ਐਂਬੂਲੈਂਸ ਬੁਲਾਈ। ਉਸ ਨੂੰ ਪਹਿਲਾਂ ਸਥਾਨਕ ਪ੍ਰਾਇਮਰੀ ਹੈਲਥ ਸੈਂਟਰ ਲਿਜਾਇਆ ਗਿਆ, ਅਤੇ ਫਿਰ ਗੰਭੀਰ ਹਾਲਤ ਨੂੰ ਦੇਖਦੇ ਹੋਏੰ ਅਨੰਤਪੁਰ ਸਰਕਾਰੀ ਜਨਰਲ ਹਸਪਤਾਲ ਵਿੱਚ ਤਬਦੀਲ ਕਰ ਦਿੱਤਾ ਗਿਆ।
ਛੇ ਦਿਨਾਂ ਤੱਕ ਲਗਾਤਾਰ ਇਲਾਜ ਦੇ ਬਾਵਜੂਦ ਅਕਸ਼ਿਤਾ ਦੀ ਹਾਲਤ ਵਿਗੜਦੀ ਗਈ। ਅੰਤ, ਵੀਰਵਾਰ ਸਵੇਰੇ 6:30 ਵਜੇ ਦੇ ਕਰੀਬ ਉਸ ਨੇ ਆਪਣੀ ਜ਼ਿੰਦਗੀ ਨੂੰ ਅਲਵਿਦਾ ਕਹਿ ਦਿੱਤਾ। ਅਕਸ਼ਿਤਾ ਦੀ ਮਾਂ, ਕ੍ਰਿਸ਼ਨਾਵੇਣੀ, ਪਰਿਵਾਰ ਦਾ ਪਾਲਣ-ਪੋਸ਼ਣ ਕਰਨ ਲਈ ਇੱਕ ਸਕੂਲ ਵਿੱਚ ਕੰਮ ਕਰਦੀ ਸੀ। ਉਸ ਦਾ ਪਤੀ, ਰਮੇਸ਼ ਇੱਕ ਕਿਸਾਨ ਹੈ। ਪਰਿਵਾਰ ਕੋਲ ਦੇਖਭਾਲ ਦੇ ਸੀਮਤ ਵਿਕਲਪ ਸਨ, ਇਸ ਲਈ ਕ੍ਰਿਸ਼ਨਾਵੇਣੀ ਅਕਸਰ ਆਪਣੀ ਧੀ ਨੂੰ ਕੰਮ ਉਤੇ ਲੈ ਜਾਂਦੀ ਸੀ।
